اؤزومدن باشلاييرام

شعر: شهلا آقاپور
ترجمه: بهروز ايماني

 

 

 

بيرده گؤزله ميرم
اؤزومدن باشلاييرام

ساكت سورمه لي ياشامي
قوجاقلاشما اوچوشوندا
ماوي آلتين آنلاري
داملا-داملا ايچيرم

اوردا
حيله بازاري باسديريقدير
انسان حاقلاري پوشونو(1)
قيريق زنبيللرده قات-قاريشيق
قويوب ساتيرلار

نه اوچون بير كيمسه گلمه لي دير...
نه دن گرك داياناسان...
اؤزومدن باشلاييرام

گرك بيله سن
گرك دئيه سن
گونشين دورو ايشيغي شدتيندن
گئتمك گرك...
قوروماق گرك
بوندان سونرا
خيالين آغ آتي نين ياللاري
قورتولوشچو دئييل

من ده
ساچلارين دورو باغيشيق (2) پيامچيسي اوللام
هئچ واخت گئرچه يين(3) تهلكه لي
كولك لريندن اوسطوره لي ناغيل سؤ له مه رم

 

آييقليقلا حيرتلرين داشماسيندا
شاعر رسام قالارام
اؤزومو چاخيرلي(4) اود بوياسيندا
رسم ائد ه رم

عطيرلي شعر دفتريم
ياسلي اولدوزلارا بويلو دور(5)

گؤزلريمين اوزرينده كي قورخونو
يئني آنلاملا
طاوس قانادلاري
ياشيلليغي اوخشارليغينا
سوز ه رم

وارليغيمين دوشونجه دويغوسو
درينليينده
ياشيل دوشونجه توخومجولوغونو اكرم

آتوشقالاري
يئنيدن آچارام
گوللو زعفران باغچاسينا
اوميد گولوشو ساچارام

عاشيغين هنر ياراتماسيندا
ياشام(5) داديني
دونيا گؤزوندن اؤپوب
عدالتين بولورونو
آزجا- آزجا قاشيرام

داش سسي نين اورتاسيندان
عشق الهه سينه
يئني هئيكل يونارام

بيرده گؤزله مرم
اؤزومدن باشلارام

1-قرعه
2-آزده
3-حقيقت
4-شراب
5-حامله

 

 

 

 

Özümdən başlayıram

 

şer: şəhla aqapur
tərcümə: behruz imanı

 

 

birdə gözləmırəm
özümdən başlayıram

sakt sürməlı   yaşamı
qucaqlaşma uçuşunda
mavı altın anları
damla-damla içirəm

orda
hilə bazarı basdırıqdır
insan haqları puşunu1
qırıq zənbillərdə qat-qarışıq
qoyub satırlar

nə üçün bir kimsə gəlməlı dır ...
Nədən gərk dayanasan ...
Özümdən başlayıram

gərk biləsən
gərk deyəsən
günəşın duru işığı şidətindən
getmək gərk ...
Qurumaq gərk
bundan sonra
xiyalın ağ altın yalları
qurtuluşçu deyil

məndə
saçların duru bağışıq (2) peyamçısı ollam
heç vaxt gerçəyin(3) təhlükəlı
küləklərindən usturəlı nağıl söləmərəm

 

ayiqlıqla heyrətlərin daşmasında
şair rəsam qalaram
özümü çaxırlı(4 )od buyasında
rəsm edərəm

ətirli şer dəfətərim
yaslı ulduzlarla doludur(5 )

gözlərimin üzərindəki qurxunu
yeni anlamla
tavus qanadları
yaşıllığı uxşarlığına
suzərəm

varlığımın düşüncə duyğusu
dərinliyində
yaşıl düşüncə toxumculuğunu əkərəm

atuşqaları
yenidən açaram
güllü zəfran bağçasına
umud guluşu saçaram

aşığın hünər yaratmasında
yaşam(5) dadını
dünya gözündən öpüb
ədalətın bulurunu
azca- azca qaşıram

daş səsi nın ortasından
eşq ilahəsinə
yeni heykəl yonaram

birdə gözləmərəm
özümdən başlaram

1-qurə
2-azadə
3-həqiqət
4-şərab
5-hamilə

 

این مطلب را در صفحه خود در فیس بوک پیوند دهید:Share  

بازگشت به صفحه نخست