تماس با ما و ارسال مطلب    > info@perslit.com

پیام به شهلا آقاپور همراه با ترجمه چند شعر از او   توسط بهروز ایمانی

 

شهلا  آقاپور

تهراندا آذربايجانلي عائله دن بير قيز اوشاغي دونيايا گؤز آچدي. آتا ـ آناسي بونون آديني شهلا قويدولار. او كيچيك ياشلاريندان باشلاياراق، هنره خصوصي ايله نقاشليغا اولدوقجا هوس گؤسترميش و مهاجرت حياتينا باشلامازدان اؤنجه چكديگي رسم اثرلري ايله عائله سيني و دوست تانيشلاريني سئويندير ميشدير شهلا آقاپور بير چوخ قلم صاحب لري كيمي مهاجرت ائتمك مجبوريتنده قالاراق، اؤزونه آلمانيانين برلين شهريني ياشام يئري شئچميشدير اونون يازيب ياراتديغي شعرلر، ايستر فارس ايسترسه ده آلمان ديلينده اولسون، نشر اولدوقدان سونرا گئنيش اوخوجوكو تله سي قازانميشدير. اويا لنيز شاعر كيمي دئييل هم ده قزئت چي (ژورنالست) و باجاريقلي نقاش كيمي ده دونيا سويه سينده اؤز اثرلريني گؤستره بيلميشدير.

اونون شعرلري و رسم اثرلري باره ده بير چوخ نظر صاحب لري اؤز فيكر لريني سؤله ميشلر. اينديسه بودويغولو شاعيرين بير نئچه شعرينين توركجه ترجمه سي ايله سيزي تانيش ائديرم.

حورمتله: بهروز ايماني

365

 

بو آخشام

365 آيي ساچلاريما ياپشيدير ميشام

بئش پيراميتلي اود تماشاسي ايله

ياشيل اولدوزو

حسرت چيچه ييني

گؤيون دريسينه يازيرام

سنين آدينا

و سنين كيمي يولداشلارا

بو آخشام آيلي گئجه لرين حضورو

منده آغيميتليق دولدوراق

يئر اوزونون اولدوزو راحت سيز

اوره ييم ساكت دئييل

سنين ماوي ليك دويغون منيم له دير

دويورام مني سسله ين وار

اوسس كيسمه بير اوشاغين سسي

اوسس اوچوروملو كوچه دي بير قادين سسي

اوسس حبسده كي آلچالميش بيركيشي سسي

كي، بللي اولمايان بير گؤزله ييشده دير

بو آخشام

365 شكايتي

ياشاييشن آلنينا يازميشام

دونيانين 365 را پور و نون تماشاسي اوچون

زامان شوشه لري قاتينداكي محبوسا

اوبامانين فرحلي اولدوغونو پراگ دا

دويونله ييرم

رابين هود مارشي آدينا

بو آخشام 365 ملانكولي

نفرتيني بو غازيمدا توپلاميشام

و كاسيار داويدين گونش باتان

رسم لريني

تورونج ساياغي توك لريمه توخويورام

آه، يولداشلار،

اوردا اسير دير...

طالع آخير

قوجاغيم آچيق

آياقلاريم قاچير

آلنيما يازين چيلپاقليق

2

بوگونومون گونشي ايشيقلي دير

اذن وئر

گئجه لرين اوچون

توپلاييم

3

گؤز ـ قولاقلا مني اؤلچورسن

او اؤزو بيلن آغيل هاردا

4

اوقده ر سئويرم كي،

اوچماغيني

سئوينچ دولو گؤز ياشلاريملا.

يولا ساليرام

5

آغيل سيز اته ييم سنين بولودلارينلا

آورينا يير

يئل پنك لرين    خيالي سفرينده

ايكيميز گؤيده قاليريق

6

الده آي

گؤزده اولدوز

اوره ك كپنك لرين

گولوشو

گوزگوم دئيير:

سن وورغونسان

 

دونيا راپوري

دونيانين تماشاييني دينله ييرم

آغيل سيزليغين يوكسك لييندن

انسان توولانير

«طالبان» ياشاميندا

«بودا» هيئكلي سينير

تاريخين خزينه سي آلت ـ اوست اولور

اويون صحنه سي منم، سس يوخ

زهرلي ات لرين جانداكي جالاغي

نگرانليقلا گؤرونور

آپاريجي آقالار السيز. آياقسيزي آياقلاييب

سوچو، اؤرتوك آرخاسينداكي

قادينلارين اوزه رينه سالسين

اينجه بويونلارين سينماسي راحات

اوجاليق دوشگونو جنابلار

من اؤزومدن قاچيرام

ياشيل آهيم باغچايا

سيغيشمير

ائشيده رسن بوتون قولاق

گؤزومده

آمما سنونله قافيه دن اولام.

ائله عاغيلسيزليق ائديرسن كي

قلميم راپورچو

قزئت لرده ايتير

آنام سؤله يير:

قيزيم بويالي ياز

بلكه دونيا باشقا تاپينتيلار يولوندادير،

دؤزوم سيرغاسيني ايسه كتابيندان آس.

 

دينج قوجاق

دنيز اوغلانلاري

سئوينج دولو اؤپوشلريمي

سويون اوزه رينه يازيرلار

بارماقلارينين وسوسه سي

نازلا...

اويناييرام

باليق قوشو اولورام شهوتين دلي

ياشاميندا

اوچار(1) سو ساكت،

سنين ياشيلا بنزه ر اللرين

ماوي قو جاغيني آچ

لذتين تورونجلارينا

بويلويام

كؤكسووون اينجه بيغ لاري

يوزدؤرد كؤنول داغ اولور

اي يوخولاريمين نازلي كيشيسي

...

سنين قيرميزي جانووي يوموشاق

جانيما دولاميشام

اود پارچاسي اوغلانلار

يانديريجي دير گئيينرلر

وارليغي يانديرماق اوچون

دؤرديوز دؤرد سپيرلر

ممه لريمين يالواريجي اودونا

اوياخين ليق غريزه سيندن

تورپاق چردك لري اوغلانلار

يالنيز ميئل آنلاريني

جانيمدان، روحومدان چكيرلر

آغ، يئنه آغ.

گونشين شئح مينجيقلي داماريني

چرده ييمين چاتلاقلاريندان

كولك هوسلي اوغلانلار

چيين لريني ياتيريب

سنين دريوين قوخو سونو چيخارارلار

بو نسيم قوخوسو، دادلي شئح

سنين كيشي ليك موشولوغونون

گوموش دادلي لذتي دير

يوزدؤد قانادلان چورام

يارانشين ساحلينه انيب

چوخ ساكت، اسره ك و شفافجا

يوخلاييرام سنين قوجاغيندا

يئر كيشي لري آرزوسوندا،

من آييغام، ياسنين اومودسوز

خياللارينين قويوسوندا

 

1ـ شلاله، آبشار

şəhla  aqapur

 

behruz imani

 

 Tehranda azərbaycanlı aelədən bir qızuşağı dünyaya göz açdı .  ata ـ anası bünün adını şəhla qoydular .  o kiçik yaşlarından başlayaraq ,  hünrə xəsüsi ilə nəqaşlığa olduqca maraq göstrmiş və mühacirət həyatına başlamazdan öncə çəkdiyi rəsm əsərləri ilə aeləsini və dost tanışlarını sevindir mişdir şəhla aqapur bir çox qələm sahibləri kimi məhacrt etmək məcbüritəndə qalaraq ,  özünə almanıanın berlin şəhrini yaşam yeri şeçmişdir. onun yazıb yaratdığı şerlər ,  istər fars istərsə də alman dilində olsun ,  nəşr olduqdan sonra geniş oxucu kütləsi qazanmışdır .  o yalnız şair kimi deyil həm də qəzetəçi  ( jurnalist )  və bacarıqlı nəqaş kimi də dünya səviyəsində öz əsərlərini göstrə bilmişdir . 

 onun şerləri və rəsm əsərləri barə də bir çox nəzər sahb ləri öz fikr lərini söləmişlər .  indisə bu duyğulu şairin bir neçə şerinin türkcə tərcümə siilə sizi tanış edirem.

 

 365

 bu axşam

 365 ayı saçlarıma yapşıdırmışam

 beş pıramıtlı od təmaşası ilə

 yaşıl olduzu

 həsrət çiçəyini

 göyün dərisinə yazıram

 sənin adına

 və sənin kimi yoldaşlara

 bu axşam aylı gecələrin huzuru

 məndə ağımıtlıq dulduraq

 yer üzünün ulduzu rahtsiz

ürəyim sakit deyil

 sənin mavılik duyğun mənimlə dir

 duyuram məni səsləyən var

 oss kismə bir oşağın səsi

 o səs oçurumlu küçədi bir qadın səsi

 o səs həbsidəki alçalmış birkişi səsi

 ki ,  bəlli olmayan bir gözləyişdədir

 bu axşam

 365 şəkaytı

 yaşayışn alnına yazmışam

 dünyanın 365 raporunun təmaşası üçün

 zaman şüşələri qatındakı məhbusa

 obamanın fərəhli olduğunu pərag da

 düyünləyirəm

 rabın hüd marşı adına

 bu axşam 365 məlankulı

 nəfrtini boğazımda tuplamışam

 və kasıardavıdın günş batan

 rəsm lərini

 türünc sayağı tüklərimə tuxuyuram

 ah ,  yoldaşlar , 

 orda əsır dir .  .  . 

 tale axır

 qucağım açıq

 ayaqlarım qaçır

 alnıma yazın çılpaqlıq

 2

 bugünümün günşi ışıqlıdir

 izn ver

 gecələrin üçün

 tuplayım

 3

 göz ـ qolaqla məni ölçürsn

 o özü bilən ağıl  harda

 4

 oqdər sevirm ki , 

 oçmağını

 sevinç dülü gözyaşlarımla . 

 yola salıram

 5

 ağılsiz ətəyim sənin buludlarınla

oynayır

 yelpənklərin    xiyalı səfrində

 ikimiz göydə qalırıq

 6

 əldə ay

 gözdə ulduz

 ürək kəpnklərin

 gülüşü

 güzgüm deyir:

 sən vurğunsan

 

 dünya rapurı

 dünyanın təmaşayını dinləyirm

 ağılsizliğin yüksəkliyəndən

insan tovlanır

  « taliban» yaşamında

  « buda» heykəli sinir

 tarixin xəzinəsi alt ـ ost olur

 oyun səhnəsi mənm ,  səs yox

 zəhərli ətlərin candakı calağı

 nigranlıqla görünür

 aparıcı aqalar əlsız -ayaqsızı ayaqlayıb

 süçü ,  örtük arxasındakı

 qadınların üzərinə salsın

 incə boyunların sınması rahat

ucalıq düşgünü cənablar

 mən özümdən qaçıram

 yaşıl ahım bağçaya

 sığışmır

 eşidərsən bütün qulaq

 gözümdə

 amma sənünlə eyni  qafiyədən olam . 

 elə ağılsızlıq edirsn ki

 qələmim rapurçu

 qəzet lərdə itir

 anam söləyir:

 qızım buyalı yaz

 bəlkə dünya başqa tapıntılar yolundadır , 

 dözüm sırğasını isə kitabından as . 

 

 dinc qucaq

 dəniz oğlanları

 sevinc dülü öpüşlərimi

 süyün üzərinə yazırlar

 barmaqlarının vəsvəsəsi

 nazla .  .  . 

 oynayıram

 balıq qüşü oluram şəhvətin dəli

 yaşamında

 uçar ( 1 )  sü tək, 

 sənin yaşıla bənzər əllərın

 mavı qucağını aç

 ləzzətin turunclarına

 buyluyam

 köksüvün incə biğları

 104 könül dağ olur

 Ey yuxularımın nazlı kişisi

  .  .  . 

 sənin qirmizi canuvu yumuşaq

 canıma dulamışam

 od parçası oğlanlar

 yandırıcıdir geyinərlər

 varlığı yandırmaq üçün

 dördyüz dörd səpirlər

 məmələrimin yalvarıcı oduna

 oyaxınliq qərizəsindən

 turpaq çərdəkləri oğlanlar

 yalnız meyilanlarını

 canımdan ,  ruhumdan çəkirlər

 ağ ,  yenə ağ . 

 günşin şeh minciqli damarını

 çərdəyimin çatlaqlarından

 külək həvəsli oğlanlar

 çiyinlərini yatırıb

 sənin dərivin qoxu sunu çıxararlar

 bu nəsim qoxusu ,  dadlı şeh

 sənin kişilik muştuluğunun

 gümüş dadlı ləzzəti dir

104 qanadlan uçaram

 yaranşın sahlinə ənıb

 çox sakt ,  əsrək və şəfafca

 yuxlayıram sənin qucağında

 yer kişiləri arzusunda , 

 mən ayığam ,  yasnın umudsuz

 xıallarının quyusunda

 

 1ـ şəlalə ,  abşar

چاپ کنید

بازگشت به صفحه نخست

تماس و ارسال مطالب تماس با سردبیر درباره ما